Բարի գալուստ «Սպիտակ Մանուշակ» սոցիալական ձեռնարկության կայք-էջ։
Պատվիրել (1).jpg)
Մենք ջանքերն ուղղված ենք ստեղծարար աշխատանքին ու կանանց ոգեշնչմանը, որ դառնան հզոր, տնտեսապես անկախ ու կայացած։
«Սպիտակ Մանուշակ»-ը ծնունդ է առել 2018 թվականին՝ «ԵՄ»-ն կանանց համար. Կանանց տնտեսական հզորացում սոցիալական ձեռնարկությունների միջոցով» ծրագրի արդյունքում՝ Եվրոպական միության համաֆինանսավորմամբ։
Հիմնադիրը՝ «Սպիտակի Հելսինկյան խումբ» իրավապաշտպան հասարակական կազմակերպությունն է։
Հավատարիմ իր առաքելությանը՝ ֆինանսական կայունության ապահովում և Լոռու մարզի կանանց տնտեսական հզորացում՝ «Սպիտակի Հելսինկյան խումբ» իրավապաշտպան հասարակական կազմակերպությունը որոշեց հիմնել բնական բուսական յուղերի արտադրություն ու վաճառք ու այդպիսով օգնել լոռեցի կանանց ունենալ զբաղվածություն, կայուն եկամուտ և լինել ինքնաբավ։
«Սպիտակ մանուշակ» սոցիալական ձեռնարկությունը գործում է Լոռու մարզի Սպիտակ քաղաքում։
«Սպիտակ Մանուշակ» սոցիալական ձեռնարկություն
Մենք համոզված ենք, որ ողջ ծավալով գործելու դեպքում, «Սպիտակ Մանուշակ» սոցիալական ձեռնարկությունը կարող է ապահովել ոչ միայն ՀԿ-ի ֆինանսական կայունությունը, այլև նպաստել մարզի կանանց տնտեսական անկախացմանը, ինչպես նաև համայնքում նրանց դերակատարության արժևորմանը։
Մեր շահառու կանայք կրկնակի խոցելի դարձան 2020 թվականի համավարակի և պատերազմի, քաղաքական անկայունության հետևանքով առաջացած տնտեսական ճգնաժամի պատճառով և այժմ առավել կարիք ունեն ֆինանսական կայունության և տնտեսական հզորացման։ «Սպիտակ Մանուշակ» սոցիալական ձեռնարկության զարգացումը լավագույն հնարավորությունն է ապահովելու աշխատատեղով մարզի կանանց և «Սպիտակի Հելսինկյան խումբ» իրավապաշտպան ՀԿ-ի կայուն գործունեությունը՝ շարունակել անվճար իրավաբանական և հոգեբանական աջակցություն/խորհրդատվություն տրամադրել կանանց, խոցելի խմբերին և ապահովել համայնքի բնակիչներին։
«Սպիտակ Մանուշակ» սոցիալական ձեռնարկությունն արտադրական պրոցեսը սկսել է 2019 թվականին։ էքստրակցիաներ են ստացվել 12 բույսերից՝ եղինջ, գնարբուկ, լորենի, երիցուկ, վարդ, դաղձ, ռեհան, հազարատերև, ուրց, յասաման, խատուտիկ, խնկածաղիկ։ 2021 թվականի սեպտեմբերի 1-ին «Սպիտակ Մանուշակ»-ը գրանցվել է որպես սահմանափակ պատասխանատվությամբ ընկերություն։
Յուղերի արտադրության համար նախատեսված մեր բոլոր սարքավորումները ներկրված են Եվրոպայից: Մեր թիմն աշխատում է սիրով և հոգատարությամբ՝ հոգալով Ձեր առողջության մասին: Մեր յուղերը 100% բնական են, չեն պարունակում հավելանյութեր և անվնաս են առողջության համար: Մեր արտադրանքն անցել է բազմաթիվ փորձարկումներ և ունի որակի սերտիֆիկացում:Փնտրե՛ք «Սպիտակ Մանուշակ» բրենդի յուղերը ոչ միայն ցուցահանդես-վաճառքներին, այլև դեղատներում։